Şaristanê Silêmanî yê Başûrê Kurdîstanî de, Kampa Multecîyan a Mexmûrî de û şaristanê Sine yê Rojhelatê Kurdîstanî de 8ê Adare Roja Cinîyan a Dinya bi coşî ameye fîrazkerdene.

Silêmanî de rayberîya Cinîyan ê Azadan ê Kurdîstanî de bi seyan cinîyî şayîyêke de ameyî pêser. Hunermend Şehên Talebanî, Niyan Ebdula, Rubar Reşîd, Şinyar Necîb û komên bi navê Şehîd Vejîn, Şehîd Viyan Soran, Şehîd Serhed şayîye de vejîyayî sehne ser. Çalakîye de posterê Rayberê Şarê Kurdî Abdullah Ocalanî, posterê Sakîne Cansiz û Vîyane Soran ameyî akerdene.

Kampa Multecîyan a Kampa Mexmûrî de zî cinîyan eşkerayîyêke daye û dşa ver bi Girê Mexmûrî çalakîya rayraşîyayîşî kerde. Cinîyan 8ê Adare fîraz kerd û kevokî afernayî.

Şaristanê Sine yê Rojhelatê Kurdîstanî de rixmê teda û astengîya rejîmê Îranî cinîyan 8ê Adare fîraz kerd. Çalakîye de pankarta bi nuşteyê 'nan, kar, azadî' û 'cinîye, cuye, azadîye' ameye akerdene û fotografê Zeynepe Celalîyan û gerîlayan ameyî akerdene. Çalakîye de sloganê 'Biciwîyo Serek Apo' ame berzkerdene.