Bedlîs de yewna mergo şikdar yê cinîyêke
Qezaya Tûxî ya Bedlîsî de cinîya ciwane ya bi nameyê Meleke Yamaç bi tewirêkê şikdarî cuya xo vînî kerde.
Goreyê zanayîşanê ke ameyî giretene dewa Kerpî ya qezaya Tûxî ya Bedlîsî de Meleke Yamaç (20) 4ê adare roja pancşemeyî keyeyê xo de merde ameye vînayene.
Canazaya Yamaçe semedê otopsî ameye berdene Nêweşxaneyê Dewlete û derheqê mergê ci de cipêrsayîş dîya destpêkerdene.
Eynî roje Îstanbul de cinîya binameyê Rabîa Tanrivermîş bi tewirêkê şikdarî cuya xo vînî kerde û Nebahat Kurt zî hetê merdêyê xo astsubay Emrullah Kurtî bi çeke ameye kiştene.
