Dewleta tirke hewteyê 700. de hêrişê Mayanê Şemeyî kerdb û 46 kesî destbedn kerdbi. Vera Mayanê Şemeyî seba çalakîya înan a roniştişî dewleta tirke dewa akerdbî û dewa de 46 Mayê Şemeyî yenê muhakemekerdene. Şaristananê Stuttgart û Berlinî yê Almanya de kurdîstanijan dewa protsto kerde û paştî daye Mayanê Şemeyî.

Berlin de pê çalakîyêke dewa ameye şermezarkerdene. Çalakîye de nameyê ICADî ser o temsîlkaran qisey kerd û pare kerd ke dewleta tirke herinda ke hesabê vînîkerdişan bida Mayanê Şemeyî tepişnena. Çalakîye de eşkerayîye Mayanê Şemeyî ameye wendene. Nameyê Solimetz Berlinî ser o zî Bermd Lehmanî qisey kerd û vat: ''20 serrî yo çalakîya dadîyan dewam kena. Ma na neheqîye şermezar kenê, tedaya faşîzane qebul nêkenê.'' Çalakîye pê sloganan qedîyaye.

Stuttgart de  zî pê çalakîyêke paştî dîyaye Mayanê Şemeyî û girseyê çalakîye eşkerayîyêke daye. Eşkerayîye de ame vatene ke dewleta tirke kena ke dadîyanê ke merdimê ci dîyayî vînîkerdene bidejna.  Çalakîye ra dima sloganê 'Wa biciwîyo paştdayîşo enternasyonel' ame vatene.