Hemsereka KCDyî Leyla Guven  2020î ra nata Zîndanê Qefilnayeyî yê Cinîyan ê Xerpêtî de sey rehîne yena tepiştene. Hezîrana 2021î de derheqê Guvene de cezaya 22 serran û 3 mengan ameye tesdîqkerdene.

Goreyê xebera JİNNEWSî  îdîaya ''wezîfedaranê dewlete rê heqaret kerdo û ê tehdît kerdî'' cezaya hucre ya 11 rojan dîyaye Guvene.

Kênaya Guvene Sabîha Temizkan zî 11ê çeleyî de hesabê xo yê Twitterî de derheqê hedîseyo ke bîyo sebebê ceza de zanayîş dabi. Temizkane wina vat: ''Dayîka mi gama ke şîya cayê derzînpirodayîşî seba ke destê ci cebanê ci de bî gardîyanê camêrdî a tehdît kerda. Gardîyano bi nameyê Îsamaîlî  vato 'destanê xo vejê' û seba ke dayîka mi qebul nêkerdo ey vato 'ewro ra tepîya ti vînena ci' Dayîka mi Leyla Guven vat: 'Rimxo ke gardîyanan û mudirê dîyinî ê zîndanî kerd ke ey vindarê gardîyanî tehîdtanê xo rê dewam kerd. Eke ê uca nêbîyênî ey do mi rê îşkenceyo fîzîkî bikerdêne. 'Dayîka mi  vat a do derheqê hedîseyê ke verê kamerayan de ame kerdene de pêhesnayîşê sûcî bikero.''