Şaxê Wanî de qoricîyan serrêke de  vera hîrê domanan hêrişo cînsî kerd. Aktîvsîtanê TJA, Meclîsê Cinîyan ê Wanî û Komeleya Cinîyan a Starî ewro Şax de derheqê hêrişê cinîyî yê qoricîyan de eşkerayîye daye.

Eşkerayîya ke dewa Konalga de ameye dayene Wekîla HDPyî ya Wanî Muazzeze Orhan û cinîyê dewe zî tewrê ci bîyî. Orhane bale ante polîtîkya şerê taybetî ya ke Kurdîstan de yena rayraberdene ser û vat: ''Rîyê polîtîkaya îqtîdarî ya vera kurdan ra nê hêrişê cinsî zêdîyenê. Netîceya polîtîkaya şerî de bi destê unîformayînan cinî û domanî yenê hedef girewtene û serê bedenê înan ra polîtîkayê leymînî yenê caardene. Ma do vera nê hêrişan bêveng memanê û seba ke kiştox û hêrişkarî bêrê cezakerdene ma do têkoşînê xo bidomnê.''