Bajarê Kielî yê Almanya, bajaranê Antwerpen, Bruksel û Liege yê Belçîka û bajarê Arnhemî yê Hollanda de cinîyan çarçewa  Kampanyaya '100 Sebebê Seba Muhakemekerdişê Dîktatorî, 100 hezar îmzayî' ya ke TJK-E 25ê Teşrîna Peyêne de daye destpêkerdene de standî akerdî û îmzayî arêdayî.

Çalakîyan de derheqê hêrişê hukmatê AKPyî yê vera cinîyan de zanayîş dîya seba ke verê hêrişan bero girewtene û sûcdarî bêrê cezakerdene îmzayî ameyî arêdayene. Xeylêk cinîyan ê Almanya, Belçîka û Hollanda û dostanê kurdan zî paştî daye çalakîyan. Cinîyan bale ante muhîmîya xoverdayîşê cinîyan ser û semedê tewrbîyayîşê aktîvîteyanê 8ê Adare Roja Cinîyan a Dinya zî veng da.

Kiel

Bruksel

Liege