Meclîsê Cinîyan ê HDPyî û aktîvîstanê Têgêrayîşê Cinîyan ê Azadan (TJA) qezaya Silopî ya Şirnexî de bi eşkerayîyêke waşt ke sîyasetmedara kurde Aysele Tugluk wa bêra veradayene.

Eşkerayîye de pankarta bi nuşteyê ''Aysele Tugluk rûmeta ma ya, cade bêra veradayene'' ameye akerdene. Îdarekarê HDPyî û endamê Meclîsê Mayanê Haştîye zî tewrê eşkerayîye bîyî.

Hemsereka HDPyî ya Şirnexî Sabuha Akdag eşkerayîye wende. Akdage ard ziwan ke selahîyetdarê dewlete vera rewşa girane ya Tugluke bêveng ê û vat: ''Polîtîkayê dewlete bîyî sebebê nêweşîyanê Tugluke.  Ma çira wina vanê? Çunke Aysele Tugluk dî ke senî nîjadperestan hêrişê cenazaya dadîya ci kerdo. Nê hêrişî ra pey nêweşîya aye peyda bîye.

Wa Aysele Tugluk cade bêra veradayene. A têna nîya, peyê ci de rêxistinîyêka xurte ya cinîyan esta. Ma do bi paştdayîş û yewîya xo pêro cinîyan pawenê.''