Têgêrayîşê Wendekaran ê Cinîyan ê Kurdîstanî (JXK) şaristanê Bielefeldî yê Almanya de bi wesîleya 25ê Teşrîna Peyêne Roja Têkoşînê Vera Şîdetê Serê Cinîyan pêramotişêk akerd.

Pêramotiş bi serrnameyê 'Qirkerdişê Cinîyan û Xopawitişî' ame akerdene. JXK reyde ciwananê Otonaom, Botmekin Bar, Merkezê Kulturê Kurdan ê Bielefeldî, Club Nummer Zu Platz, Kitapevi Modon, Kitapevi Eulenspiegel, Keyeyê Dinya yê Bielefeldî, Keyeyê Kulturê Ostblockî û IBZ çalakîye de ca girewt.

Çalakîye de berhemanê têkoşînê xelisnayîşê cinîyan, Qirkerdişê Şingalî, Qirkerdişê Parisî, Jineolojî, Şorişê Rojawanî û xeylêk berhemanê rêxistinan ê cinîyan ê sey Kongreya Star, YPJ, YPŞ, YJA-Star, HDP ca girewt.

Pêramotiş 23 ra heta 27ê teşrîna peyêne Merkezê Kurdîstanî yê Bielefeldî de  akerde yo.

Rojê pêramotişî:

25ê teşrîna peyêne saete 17:00-19:00

26ê teşrîna peyêne saete 14:00-16:00

27ê teşrîna peyêne saete 12:00-14:00

29ê  teşrîna peyêne saete 12:00-18:00