Şaristananê Duisburg û Hamburgî yê Almanya de cinîyan çarçewa Kampanyaya '100 Sebebê Seba Hukmkerdişê Dîktatorî' ya TJK-E de îmzayî arê dayî. Basel de qirkerdişê vera cinîyan ame protestokerdene.
Şaristananê Duisburg û Hamburgî yê Almanya de cinîyan çarçewa Kampanyaya '100 Sebebê Seba Hukmkerdişê Dîktatorî' ya TJK-E de îmzayî arê dayî.
Hamburg
Hamburg de Meclîsê Cinîyan ê Rojbîne standêk akerd û îmzayî arê dayî. Xeylêk kesan stand zîyaret kerd û îmza daye.
Ruha Baran derheqê kampanya de vat ke Kurdîstan de şîdet û qirkerdişê cinîya polîtîkaya dewleta tirke ya. Aktîvîsta heqanê cinîyan Anja Flace zî vat: ''Cinîyî eşkenê pê paştdayîşî peynîya şîdetê camêrdan bîyarê.''
Çalakîye pê sloganê 'Cinîye, Cuye, Azadîye' û deyîra 'Şervano' qedîyaye.
Duisburg
Duisburg de zî rayberîya Meclîsê Cinîyan ê Şehîde Asya Yuksel de nawnayîşêk ame kerdene. Nawnayîş de Amara Çîya meclîsî ser o qisey kerd û dima cinîyan îmzayî arê dayî.
Çalakîye pê sloganê 'Cinîye, Cuye, Azadîye' qedîyaye.
Basel
Hetê bînî ra seba ke di hewteyan de Swîsre de hîrê cinîyî ameyî qetilkerdene bajarê Baselî de plarformanê cinîyan ê macîran bi çalakîyêke qirkerdişê vera cinîyan protesto kerd.
