Şarê Şingalî wextêkî ra nata vera Komployê Mîyanneteweyî yê serê Rayberê Şarê Kurdî Abdullah Ocalanî çalakîyan keno. Şarê Şingalî rixmê pêro astengkerdişanê hukmatê Kazimîyî zî waran de komplogeran protesto keno.

Cinîyanê Şingalî Berfê Îlyas û Caklîne Xanesorî derheqê komployî de ANFyî rê qisey kerd.

Berfê Îlyas da zanayene ke ê se bikerî zî nêeşkenê heqê keda Ocalanî bidê û vat: ''Hêzê îqtîdarî fikranê Rayber Apoyî ra tersenê, coka o binê esaretî de tepişenê, vera ci tecrîd anê ca. Ma do seba azadîya Rayberîya xo destê ma ra çita yeno do bikerê. Ma do sey dadîyan heta peynî seba waştişanê Rayberîye têkoşîn bikerê. Seba azadîya ci xo ver bidê.''

Vervatoxa Meclîsê Cinîyan ê Xanesorî Caklîne Xanesorî vat: ''Ma sey êzidîyan azadîya Rayber Apoyî sey azadîya xo vînenê. Ma xêrê fikranê Rayber Apoyî ra xo rêxistin kerd.Peymana Şingalî ra nata hukmatê Iraqî vera êzidîyan astengkerdişî zêdînayî. Qaşo wendiş û wayîrvejîyayîşê fikranê Rayberîye Iraq de qedexe nîyê. Ma sey komelê êzidîyan heta peynî do wayîrê fikran û destkewteyanê Rayber Apoyî vejîyê.''