Serkêşîya Têgêrayîşê Cinîyan ê Azadan (TJA) û Platformê Cinîyan ê Amedî yê Dîcle (DAKAP) de Meydanê Îstasyonî yê Amedî de Rayraşîyayîşê ''Bi Jin Jiyan Azadî; Ver bi Şorişê Cinîyan'' bi govendan dest pêkerd.

Cinîyan serê sibayî rew bi pankart, dowîz û kincanê xo yê neteweyîyan verê xo da meydanî. Polîsan warê mîtîngî de waşt cinîyan asteng bikerê la cinîyan bi tîlîlîyan polîsî protesto kerdî. Cinîyan war bi pankartanê sey ''Ma do xirabîya şima ya rêxistinkerde bi têkoşînê xo yê rêxistinkerdeyî'' xemilna.

Dadîyê ke seba azadîya Rayberê Şarê Kurdî Abdullah Ocalanî Nobeta Edaletî kenê zî Parka Hazale de ameyî pêser û ver bi meydanî şîyî. 

Warê mîtîmngî de Komeleya Rosa, rêxistinanê DBP û TJA kortejî viraştî û pankarta ''Şorişê ma Şorişê Cinîyan o'' akerde. 

Mîtîng de mesajê dayîka tepişte Halîse Aksoy ame wendene ke esteyê lajê ci yê şehîdî bi kargoyî zereyê yew qutuyî de erşawîyabî aye. Dayîke Halîse mesajê xo de ard ziwan ke ganî dadîyî zulmî qebul nêkerê.

Cinîyî meydan de bi deyîran govende gênê.