Endama Komîteya Amadekarîye ya 8ê Adare û Hemsereka DBPyî ya Amede Sevale Gulmez semedê tewrbîyayîşê mîntîngê 8ê Adare ke do Meydanê Îstayonî de bêro kerdene veng da.

Gulmeze bale ante ser ke dekewtişê meydanê mîtîngî de do kodê HESî bêro kontrolkerdene û beran de dejenfekte bêro amadekerdene  û vat: '' Reyna semedê pawitişê weşîya tewrbîyayoxan do awe, kolonya û peçeteyî zî tîya bibê.  Ma sey komîteya amadakarîye tedbîranê xo genê la ganî tewrbîyayoxî zî tedbîran bigerê. Ganî temas çînêbo û her kes hîsgêr têbigêro. Ganî kodê HESî verî ra bêrê amadekerdene  bê kodan kes nêgêrîyeno zere. Reyna  ganî her kes maskeya biker pa. Ma tewrbîyayîşo sixletî pawenê. Seba ke hewa zî a roje akerdeyo, tîje esta roja ke rinde ma pawena. Ma veng danê heme cinîyan ke wa 8ê adere de verê xo bidê Meydanê Îstasyonî û semedê wayîrvejîyayîşê heqanê xo biqîrê.''