Şarê Dêra Zorê ke bi serran rejîm, DAÎŞ  û çeteyanê dewleta tirke û çeteyanê bînan ra zaf zext  û zulm diyo, dejê pîlî antî bado ke Dêra Zorê hetê QSDyî ra ameye azadkerdene şar bitaybetî cinîyî keyfe azadîye vejenê û wayîrê destkewteyanê xo vejîyen.

Vervatoxa  Xebatanê Cinîyan ê Dêra Zorê Fatma El Mehle vist vîrî ke cinîyan Dêra Zorê  rîyê zext û hêrişê DAÎŞî û çeteyanê dewleta tirke û çeteyanê bînan ra senî dejê pîlî antî û vat: ''Verî na herême de destûr nêdîyaynê ke cinîyî xebatê dîlplomasî, sîyasî û ekonomî de ca bigerê.  Cinîyî tim keye de hepskerde bîyî. bado ke Rojawan hetê QSDyî ra ame azadkerdene zaf çîyî bedilyayî. Cinîyî keye ra vejîyayî tewrê komelî bîye. Cinîye nika warê leşkerî zî tede her warî de serkêşîye kena.

Seba ke cinîyî xebatan de serêkîye kenê zîhnîyetê zext û îqtîdarî bedilya.  Xora waxtêk  keyeyan domanê kênayî rîyê çeteyan ra nêşawitene mekteban.Tersayêne ke domanê înan raştê tecawuzî û hêrişanê bînan yenê. Nika ma her hetî ra xo aver benê. Cinîyî hînî azdîye nas kenê, vera zewajê domanan û zewajê bi zaf cinîyan vejîyenê.Ma tîya sey hîrê cinîyan dest pê karê cinîyan kerd hûmara çend şina zêdîyena. Manê nika û verî de ferqo zaf pîl esto. Cinîyî nika wayîrê rolê pîlî yê. Wayîrê karekter û hêz ê.  Ma zî hetê psikolojîk  û maddî ra paştî danê cinîyan.

Xeyrê QSDyî zîhnîyeto nêrî tîya ra bi pak. Badê xelisnayîşê herême ma, ma musayê ke 8ê Adare çî yo.  Nika herra ma ya azad de ma wazenê her roje semedê cinîyan bikerê raja roşanî. Ez bi xo verî zaf zehîf bîya. Ma zaf zext dîyî, coka nê karekterê ma ser o tesîr kerd. Badê xelisnayîşê herêma ma û pîya ronayîşê Îdareyê Xoserî cinîyî bîyî wayîrê rolanê muhîman.  Bado ke ez tewrê xebetanê cinîyan bîya ez bîya jîhat. Nika paşta mi mi ra pîta.''