Platformê Cinîyan ê Dêrsimî seba Garîbe Gezer, Evîne Guneş (Fatma Demîrel) û Aysele Tugluk Kuçeyê Hunerî de eşkerayîye daye.

Nameyê platformî ser o Yaprake Kurban eşkerayîye wende. Yaprake Kurban ard ziwan ke zîndanan de vera cinîyan ê tepişteyan binpaykerdişê heqan bi bahaneya janî zêdîyayî.

Eşkerayîye de bale ameye antene rewşa Aysele Tugluk ser û wina ame vatene: ''Aysele Tugluk ganî cade vera bidîya û tedawîya ci bêra kerdene. Garîbe Gezer Zîndanê Kandira de raşta îşkence, tecawuzî ameye û dima zî goreyê îdîayan xo kişto. Binpaykerdişê heqan ê vera Garîbe ameyî kitiştene bi rojdemê Meclîsî zî. La derheqê kerdişanê vera Garîbe Gezer de qetî tehqîqatêk nêame akerdene.''