Wendekara Unîversîteya Munzurî Gulîsatane Doku 500 rojî verê ci tewr peynî de serê Pirdê Dînarî de ameye dîyene. A roje ra nata tira xebere nînan girewtene.

Meclîsê Cinîyan ê HPDyî yê Dêrsimî roja vînîkerdişê 500ine yê Gulîstane Doku de serê Pirdê Dînarî de eşkerayî daye û reyna  persê ''Gulîstane Doku ha ça''persayî.

Hemsereka HDPyî ya Dêrsimî Nurşate Yeşîl bala ante ser ke Dêrsim her hetî ra pê kamareyan yeno seykerdene û vat: ''Dêrsim bajerêko qic o. Nufesê ci 35 hezar o. Tîya sereyê kesî/e rê polîsêk keweno la kênayêke nîna vînayene. Semedê vînayîşê Gulîstane cipêrsayîşo raşt nêamekerdene. Têna îxtîmalê xotiştişî ser o de ame vindertene la derheqê nayî de çîyêk nêame dîyene. Tîya xeylêk rey cigêrayîş ame kerdene. Rixmo ke awbazan vat Gulîstane awe de nîya cigêrayîşî ameyî kerdene.''

Cinîyan serê birdî ra balonê regînî firnayî û vat ê do heta vînayîşê Gulîstane persayîş Gulîstane Doku ha ça?  û cigêrayîşê aye rê dewam bikerê ke Gulîstanê bînî  wa eynî rewşe meciwîyê.