Serkêşîya Têgêrayîşê Cinîyan ê Kurdan ê Swîsre (YJK-S) de grûbêka cinîyan çarçewaya hemleya ''Abdullah Ocalanî rê azadîye, meseleya kurdan rê çareserîya sîyasîye'' de Vatikan zîyaret kerd.

47 cinîyê kurdan ke Meydanê  Ezîz Petrusî yê Vatîkanî de tewrê merasîmê Paskalya bîyî ke Papa Francis zî tewrê ci bi, pê kincanê xo yê neteweyîyayn bale ante xo ser.

Wextê merasîmê Meydanê Ezîz Petrusî de sloganê sey “Jin Jiyan Azadî”, "Abdullah Ocalanî rê azadîye, Kurdîstanî rê statu'' ameyî vatene. Cinîyan ê kurdan derheqê tecrîd û hêrişanê ke Kurdîstan de yenê kerdene zanayîş da.

Badê aktîvîte sekreteranê Papayî reyde pêvînayîş ame kerdene. Pêvînayîş de dosyaya ke tede qala cuya Rayberê Şarê Kurdî Abdullah Ocalanî yena kerdene û 3 dosyayê ke derheqê tecrîd û şerî de ameyî hazirkerdene ameyî teqdîmkerdene. Berpirsîyarê sekreterîya Vatîkanî vat ê do miheqeq nê dosyayan teslîmê Papayî bikerê. Cinîyan waşt peyra  Papa reyde pêvînayîş bikerê û semedê nê zî xebatî rayra berî.