Dimayê 10 serran ê ke teduştîya mabênê zayendan Qanûnê Bingeyênî de ameye bicakerdene, nêzdîyê nêm mîlyon cinîyî 14'ê Hezîrana 1991'î de vera nêtêduştîye vejîyaybî wareyan.

Dimayê 28 serran Cinîyê Swîsijî goreyê camêrdan se ra 20 kêmtir destmizan gênê.

Mesleganê şert û mercanê têduşteyan de zî bi nisbetê se ra 8 destmizê cinîyan reyna ê camêrdan ra kêmtir o.

Dimayê grevanê girdan ê cinîyan ê Îspanya, Îzlanda û Belçîka, cinîyê Swîsijî zî seba destkerdişê heqanê xo bi slogana ‘Zêdetir dem, zêdetir destmiz û hurmet’ 14'ê Hezîrane de do şorê grevê pêroyî.

Cinîyî do seba waştişê têduştîya destmizan, kifşkerdişê destmizê kêmtirî û vernîgirewtişê şîdetê zayandî bivejîyê kuçeyan.