Cinîyê tepişteyî: Ma wayîrê xoverdayîşê Rojhelat û Îranî vejîyê

Tepişteyanê Zîndanê Cinîyan ê Şakranî vera qetilkerdişê Jîna Emîbî venga pêro cinîyan da û vat: ''Ma wayîrê xoverdayîşê Rojhelatê Kurdîstanî û Îranî vejîyê. Ganî pêro cinîyî vengê xo berz bikerê.''

Tepişteyanê Zîndanê Cinîyan ê Şakranî bi mektubêkî paştî daye çalakîyanê vera qetilkerdişê Jîna Emînî.

Cinîyan mektub de wina vat:

''Têna Îran de nê pêro dewletanê faşîstan de vera cinîyan qirkerdişê sîstematîkî dewam kenê. Nê kerdişî hetê mezgê serdestîya camêrdan ra yenê kerdene. Ewro Tirkîya de hişmendîya AKP-MHPyî, sey rejîmê malayan cuye cinîyan rê kerda zîndan. Tirkîya de cinîyî her roje hetê camêrdan ra yenê qetilkerdene. Qirkerdişê cinîyan wextê îqtîdarê AKP-MHPyî zêdîyayî.

Ma sey cinîyanê nê zîndanî qetilkerdişê Jîna şermezar kenê. Ganî pêro cinîyî vera nê qetilkerdişî vengê xo berz bikerê. Ganî ma xoverdayîşê cinîyanê Îran û Rojhelatî têna meverdê û wayîrê nê xoverdayîşî vejîyê. Ma xoverdayîşê nê cinîyan selam kenê. Biciwîyo têkoşînê cinîyan. Cinîye, Cuye, Azadîye.''