Wan seba çalakî û aktîvîteyanê 8ê Adare amade yo. Cinîyê Wanî 8ê adare de Parka Musa Anterî de Roja Cinîyan ê Kedkaran a Dinya do fîraz bikerê. Hemsereka Pêroyîye ya HDPyî Pervîne Buldan, Wekîlê HDPyî yê Wanî do tewrê çalakîye bibê. Deyîrbazî Rojda, Rewşane Çelîker û Şîlane Dora zî do vejîyê sehne ser.

Hemsereka HDPyî ya Wanî Handane Karakoyun da zanayene ke cinîyê Wanî do bi kincanê herêmîyan, bi ziwan û kulturê xo 8ê Adare pêşwazî bikerê û mesajanê xo bidê. Karakoyune pare kerd ke ê do çarçewa 8ê Adare de pêro tax, qeza û kuçeyan de cinîyan reyde kom bibê.

Karakoyune vat: ''Pervîne Buldan do şayîya ma de amade biba. Ez venga pêro cinîyan dana ke wa tewrê şayîya ma bibê.''