Taxa Xerbî ya Qamişloyî de çarçewa Kampanyaya 'Abdullah Ocalanî rê Azadîye, Meseleya Kurdan rê Çareserîya Sîyasîye' de 25 cinîyê 7 komunan hem kitabanê Rayberê Şarê Kurdî Abdullah Ocalanî wanenê hem zî xo rê kenê erk ke paradîgmaya Ocalanî vila bikerê.

Cinîyî kitaban ser o nîqaşan zî kenê û fikranê xo anê ziwan.

Perwîne Cemîl nîqaşan de heqê qiseykerdişî girewt û vat: ''Nêbeno ke demokrasî, edalet û têdûştîye yewbînan ra cîya bêrê ercnayene. Rayber Apo pawitişnameyanê xo de nînan bi xorinî ercneno.''

Beşdaranê nîqaşan ra Fatma Omer vat: ''Paradîgmaya Rayber Apo resaya her cayê dinya û bi mîlyonan merdimî kitabanê ey wanenê. Afernayoxê komelê demokratîkî Rayber Apo mîmarê Şorişê Rojawanî yo.''

Xade Mihyeddîn vat: ''Rayber Apo tim qalê ci keno ke cinîyan rê azadîye lazim a û azadîya cinîyan yena manaya azadîya komelî. Coka ganî cinîyî serkêşîyê awankerdişê komelêkê demokratîkî bikerê.''

Îdarekara Kongreya Starî ya Xerbî Romedîna Beşîr vat: ''Bi wendişê kitabanê Rayber Apoyî ma kenê ke ey fam bikerê. Seba azadîya komelî û cinîyan o projeyanê zengînan pêşkêş keno. Seba azadîya Rayber Apoyî zî ganî ma têkoşînî berzêr bikerê.''