Verê Sersefîrîya Îranî ya Îstanbulî de cinîyan xoverdayîşê cinîyanê Rojhelatê Kurdîstanî û Îranî selam kerd û Tirkîya û Îran protesto kerdî.

Verî cinîyanê îranijan rixmê astengîya polîsan zî çalakîyêke kerde. Çalakîye de cinîyan çîtê xo vêşnayî, sloganê sey 'dîktatorî rê merg', 'cinîye, cuye, azadîye' vatî. 

Dima Platformê 'Ma do Verê Kişîyayîşê Cinîyan Bigêrê' û Meclîsanê Cinîyan çalakîyêke kerd. Na çalakîye de zî mesajê 'têkoşînê şima, têkoşînê ma yo' ame dayene. Cinîyan çalakîye de fotografê Jîna Emînî û alaya gijikene kiriştî û sloganê 'Ti do qetî têna nêmana' vat.

Sekretera Pêroyî ya KCDPyî Fîdane Ataselîm çalakîye de qisey kerd û vat: ''Ma do sey cinîyan heta peynî xo ver bidê. Ma do ê kesanê ke gijikê ma kenê mesele, mîyanê gijikê xo de bifatisnê.''

Cinîyan verê sersefîrîye de fotografê Jîna û alaya gijikine daliqnayî.