Îstanbul de cinîyan rixmê heme ablûqa û astengkerdişê polîsan semedê Garîbe Gezere ya ke zîndan de bi hewayêkê şikdarî dinyaya xo bedilnaye û Aysele Tugluka ke rewşa ci çend şino giranêr bena, Kadikoy de çalakîye kerde.
Paltformê Cinîyê Pîya Bihez ê semedê Garîbe Gezere ya ke Zîndanê Kandira yo ke tede raştê îşkence û hêrişan ameyêne de bi hewayêkê şikdarî dinyaya xo bedilnaye û sîyasetmedara kurde Aysele Tugluka ke rewşa ci çend şino giranêr bena, Kadikoyê Îstanbulî de çalakîye kerde
Verê Çalakîye polîsan dormeyê cinîyan girewt û waşt cinîyan vila bikerê. Cinîyan rixmê heme astenkerdişan dest pê rayraşîyayîşî kerd. Polîsan vat qedexeyê çalakîyan esto û verê înan girewt. Cinîyan bi slogananê ''Aysele Tugluk serberst veradê'', ''Wa zîndanî birijîyê'', ''Tepişteyan rê azadîye'', ''Dewleta qetilkare do hesab bido'' cewabê polîsan da.
