Bajaranê Hamburg, Frankfurt û Dresdenî yê Almanya de cinîyan çarçewa Kampanyaya 100 Sebebê Seba Hukmkerdişê Dîktatorî' ya ke hetê TJK-E ra ameye destpêkerdene de çalakîyî organîze kerdî.

Hamburg de cinîyan ê kurdan û almanan semtê Altona de stand akerd. Çalakîye de cinîyê ke netîceya polîtîkaya qirkerdişê cinîyan a hukmatê AKPyî de ameyî qetilkerdene fotografê înan ameyî akerdene.

Atîvîsta almane Anja Flach vat: Her îmza ke do bêro eştene semedê hukmkerdişê dîktatorî gamêk a. Erdogan dişmenê heme cinîyan o ke cuye azade wazenê. Qetilkarî polîtîkaya ey ra paştî genê û cinîyan kişenê. Nê kiştişan ra o perpisîyar o. Kurdîstan de qirkerdişê cinîyan pê destê dewlete yenê kerdene.

Stando ke hetê pabesteyanê Meclîsê Cinîyan ê Rojbîne ra ame kerdene pê slogananê ''Cinî, cuye azadîye'' qedîya.

Franfurt de zî hetê Women Defend Rojava û Meclîsê Cinîyan ê Amara ra çalakîyêke ameye organîzekerdene.

Cinîyan çalakîya xo ya ke pê şîarê ''Ma heskerdişo ke ma mirnêno nêwazenê'', ''Kiştişê cinîyan polîtîk o'', ''Cinîya ke xover dana rind a'' organîze kerde, raştê 14ê sibate arde.

Çalakîye de pêramotişê fotografanê resmîman ame kerdene. Çalakîya ke xoverdayîşê zîndanan zî ame selmakerdene de xeylêk îmzayî ameyî arêdayene.

Dresden zî cinîyî bi eynî waştişî kuçeyan de bî. Hetê Meclîsê Cinîyan ê Uta û aktîvîstanê almanan ra xeylêk îmzayî ameyî arêdayene.