Çalakîye semedê protestokerdişê qetilkerdişê Nagînaye Akarsel û Jîna Emînî dewam kenê. Xeylêk bajaranê Ewropa de cinîyî vizêr reyna vejîyayî kuçeyan û pê slogana Jin Jiyan Azadî mesajê xurtkerdişê têkoşînî dayî.

Paytext Berlin û bajaranê Kassel û Offenbachî yê Almanya û bajarê Arnhemî yê Hollanda de çalakîyê protestoyî ameyî kerdene. Cinîyan ard ziwan ke faşîstî têkoşînê azadîye yê cinîyan ra tersenê coka hêrişê înan kenê û vat ê do rixmê heme hêrişan tim wayîrê heqanê xo vejîyê û vera sîstemanê faşîstan serewedarê.