Semedê paştdayîşê projeyê nêweşxaneyê ‘’Dayîke-doman’’î   rayberîya Meclîsê Cinîyan ê Sevê de paytextê Danîmarka Kopenhag de aktîvîteyêk ameye organîzekerdene.

Aktîvîteya ke cinîyan zaf eleqedarîye romote bi nameyê meclîsî Saîme Bîlene qisey kerd. Bîlene  xoverdayîşê grevê vêşanîye silam kerd  û  semedê paştdayîşê projeyê nêweşxaneyî veng da.  Bîlene vat cinîyê Kurdan  senî ke Kobanê, Rojawan û Vakurê Kurdistanî de destanan nusenê ewro bi heman îradeyê cinîyan semedê viraştişê nêweşxaneyê dayîkan û domanan game yena eştene. Parlamentere Halîme Oguza ke tewrê aktîvîtye bîye bale ante serê muhîmîya projeyî û va, ‘’Ez sey cinî, Kurde û parlamentere paştî dana nê projeyi. Aktîvîteya ke kincê herêmî yê Kurdan ameyî pêramotene û rotene de Sefî Sewedî, grûba Verdens Sîrenî ya Danîmarka, Nevzat Tûnç, Hozane Mîzgîne û Azad Bedran tewrê ci bîyî.