Dayîka Haştîye Ferha Yavuz (83) ya ke dewa Delavê Dengiza ya / Stewrê Mêrdînî de ciwîyayêne 4ê adare de dinyaya xo bedilnaye. Cenazaya Dayîke Ferha dewa ci de ameye definkerdene.

Lajê Ferya Yavuz Dogan Yavuz (Dijwar) tewrê PKKyî bi û 1995 de qezaya Mehsertî de birîndar kewt destê leşkeranê tirkan. Leşkeran Yavuz nişna helîkoperî û nêzdîya dewa ci de o eşt war. Cenazaya ey ameye vînîkerdene.  Dayîke Ferya ke xeylêk wexto vîrê xo vînî kerd 27 serran ra nata lajê xo pawitêne. Her wasayîto ke ameyêne verê berê ci, a vazdayêne vatêne belka lajê mi tede yo.