Ne kar û qerarêko asan o ke cinîyêk, gêncêk nişka ra vaje 'Ez do şora serê koyan.' Tayê înan hemserê xo, tayê înan karê xo, tayê înan zî perwerde û domananê xo peyê xo de verdenê.

Nika zî pêl bi pêl ver bi koyanê Kurdistanî herikyenê. Avaşîn wareyanê Kurdistanî yê cenetî ra yewêk o yo. Nika Avaşîn de gerîlayê HPG û YJA Starî destanan afernenê. Afernayoxanê nê destanan ra yewe zî Avaşîn Delîla ya ke heman wextî de karê muhendisîye kena. Cinîyêka Kurde ya ke dîaspore de bîya pîl.

Gerîla Avaşîn Delîla serra 2013 de qerar girewt ke tewrê YJA Starî biba û wexto ke no qerar keyeyê xo ra vat, keyeyê ci verba aye vejîyay. Delîla seba ke tesdîq û paştdayîşê keye yê xo bigêra wextêk qerarê xo taloq kerd. Delîla vat: "Waştişê keyeyê xo ra ez tewrê sîyaseto demokratîk bîya, la hêrişê 2015'î yê verba HDP'yî yê Amedî de ame kerdene seba mi bi asta peyêne. Ez tewrê gerîlayan bîya."

Delîla ke perwerdeyê muhendisîye dî û eşkayêne wareyê sîyaset o demokratîk de bixebite, koyan ra ber wareyêko bîn nêdî ke tede nefes bigêra. Mabênê di serran de xo bi sebrêko pîl cuya koyan a Kurdistanî rê amade kerd. Nika zî destanê Avaşînî de bi hewayêkê biferasetî têkoşîn dana.