Çarçeweya hemleya Têgêrayîşê Cinîyan ê Kurdan ê Ewropa (TJK-E) ‘Seba azadîye û vurîyayîşî ti zî wirze payan  xeylî welatanê Ewropa de cinîyan çalakîyî viraştî. Cinîyan bi çalakîyanê hemwextan bale ante qetillkerdişê cinîyan ser û hêrişê dewleta Tirkî yê vera Kurdan şermezar kerd.

Gîessen: Bajarê Giessenî yê Almanya de çarçeweya hemle de cinîyan stand akerd. Çalakîye de derheqê kampanya de zanayîş ame dayene û vilawekî ameyî vilakerdene.

Essen: Bajarê Essenî de bi heman waştişî cinîyî kuçeyan de bî. Cinîyan bi vilawekan bale atne hêrişê vera cinîyan ser û qeyûmî şermezar kerdî.

Saarbrucken: Bajarê Saarbruckenî de zî stand ame akerdene û xeylî vilawekî ameyî vilakerdene.

Frankfurt: Bajarê Frankfurtî de zî hetê meclîsê cinîyan ê bajarî û dormeyê ci ra standêk ame akerdene. Çalakîye de bale ameye antene serê qetilkerdişê cinîyan û  hêrişê dewleta Tirkî ye vera Kurdan.

Freîburg: Bajarê Freîburgî de zî Meclîsê Cinîyan ê Nûda çalakîyêk organîze kerde. Cinîyan stand de vilawekî vila kerdî.

Koln: Bajarê Kolnî de zî cinîyî bi çarçeweya hemleya ‘Seba azadîye û vurîyayîşî ti zî wirze payan ser’ vejîyayî meydanan. Rayberîya Meclîsê Cinîyan ê Vîyane de standêk ame akerdene.

Dortmund: Bajarê Dortmundî de zî Meclîsê Cinîyan ê Rozerîne çalakîyêk organîze kerde. Cinîyan derheqê hêrişê serê cinîyan û hêrişê dewleta Tirkî yê vera şarê Kurdî de vilawekî vila kerdî.

Hannover: Bajarê Hannoverî de zî hetê Meclîsê Cinîyan ê Ronahî ra stand ame akerdene.  Çalakîye de hêrişê serê cinîyan, qeyûm û hêrişê îşxalî yê dewelta Tirkî ameyî şermezarkerdene.

Tououse: Bajarê Tououse yê Fransa de zî cinîyî vejîyayî kuçeyan û hêrişê vera cinîyan û polîtîkaya hêrişkare ya dewleta Tirkî şermezar kerde.