Xeylêk welatanê Ewropa de bi taybetî Fransa, Almanya û Belçîka de pê vengdayîşê sendîka û têgêrayîşanê cinîyan ê femînîstan 8ê Adare de grevî do bêrê kerdene. Cinîyî vera meaşanê cîyakeran, neheqîyanê seksîstan û şîdetî vejîyê meydanan û çalakîyan bikerê.

Fransa de bi desan dezgehanê cinîyan çarçewa grevanê femînîstan' de venga cinîyan da ke 8ê  Adare de çalakîyan bikerê. Çarçewa nê çalakîyan de Paris de do bêro waştene ke cinîyan ê multecîyan rê heqê mendişî bêro dayene.

Belçîka de zî şert û mercê giranî  û cîyakerîya sektoranê weşîye, perwerde û xizmetî pê çalakîyan do bêrê şermezarkerdene.