Mersîn û Antalya de cinîyan polîtîkayê şerê taybetî yê dewleta tirke protesto kerdî.

Mersîn de Platformê Cinîyan kuçeyê Ataturkî de eşkerayîyêke daye. Cinîyan pankarta ''Ma bêveng nêbê, nêtersê û îtaet nêkerê'' akerde û sloganê sey "Jin, jiyan, azadî'' vatî. Endama Platformî Gonca Ocakçi eşkerayîye wende. Gonca ard ziwan ke dewlete 10 serranê peyênan de bi polîtîkayanê şerê taybetî cinîyan kena hedef û ê verê polîtîkayanê şerê taybetî de bêveng nêmanê.

Antalya de Meclîsê Cinîyan ê DEM Partî Meydanê Attalosî de pankarta ''Ma do rayîr nêdê tacîz û kedwerdişî'' akerde. Endama Meclîsê Cinîyan Songule Şarkli eşkerayîye wende û îfade kerd ke dewlete kena ke Kurdîstanî bêesl bikera. Songule vat: ''Ma do her ca de vera bêexlaqî, teda û bêedaletîye têbigêrê û rêxistinîya xo ya pawitişê cewherîyî aver berê.''