Koma Xebate ya Ercnayîşê Perîyodîkî ya Globale (UPR) ya Konseya Heqanê Merdiman (ÎHK) a NYyî rewşa heqanê merdiman a Tirkîya ercnaye. Temsîlkarê 193 welatan tewrê roniştişan bîyî.

Temsîlkaran dîyar kerd ke Tirkîya warê heqanê merdiman de apey şîya. Temsîlkaran waşt ke wa Tirkîya qanûnî goreyê krîteranê mîyanneteweyîyan sereraşt bikerê.

Hetkarê Wezîrê Karanê Teberî yê Tirkîya û Serekê YE Balyoz Mehmet Kemal Bozayî îdîa kerd ke înan xeylê waran de reformê cidîyî kerdê.

Raporo ke pisporanê Konseya Heqanê Merdiman amade kerdo tede derheqê binpaykerdişê heqan de doneyê hîrayî ameyî parekerdene. Rapor de ame îfadekerdene ke Tirkîya de mehkemeyî azad nîyê, azadîya îfadeyan çin a, tecrîdê vera Rayber Apoyî nêno qebulkerdene, cinîyî hetê asayîşî ra binê gefan de yê ûsn.

Raporê UPRyî yê ÎHKyî rojanê verê ma de do bêro weşanayene.