Merkezê Îrtîbatî û Çapemenîye yê HPGyî gerîla Arîne Marîno (Esma Tekîn) yad kerde ke tebaxa 2022yî de şehîd bîya û vat: ‘’Embaza ma Arîne sey şerwanêka cesûre û gerîlayêka YJA-Starî ya serkewte tarîx de cayê xo girewt.’’
Merkezê Îrtîbatî û Çapemenîye yê HPGyî nasnameyê şehîdêka YJA-Starî eşkera kerd. Eşkerayîye wina ya:
‘’Têkoşînê Azadîye yê Kurdîstanî, Herêmanê Pawitişî yê Medya de xoverdayîşo ke tarîx de nêamebi dîyene, aver berd û mojna dinya ke îradeyo Apogîr nêno binvistene. Embaza ma Arîne zî vera hêrişanê îşxalî cepheyê tewr vernî de şer kerd, xeta PKK-PAJKî temsîl kerde û şehîd bîye. Embaza ma Arîne Zap de ruhê serkewtişî temsîl kerd.
Ma sere de keyeyê aye yê ercîyayeyî rê pêro şarê Kurdîstanî yê welatperwerî rê serweşîye wazenê. Ma soz danê ke rêçê şehîdanê xo teqîb bikerê.
Nasnameyê embaza ma Arîne Marînos wina yo:
|
|
Nameyê Qodî: Arîne Marînos Name û Peyname: Esma Tekîn |
Embaza ma Arîne Colemêrg de, mîyanê eşîra Marînosî de dadîya xo ra bena. A ciwanîya xo de kewena peyê cigêrayîşan, kena ke têgêrayîşê ma nêzdî ra bişinasna û qerar dana ke tewra têkoşînî biba.
Embaza ma 2015 de tewra gerîlayan bena. A Herêmanê Pawitişî yê Medya de perwerde vînena û cade xo aver bena. Embaza ma hedef kena ke xeta Şehîde Zîlane û Şehîde Bêrîtane de bi qerardarî şora.
Emnaza ma sey gerîlayêka YJA-Starî hem xo aver bena hem zî embazanê xo. A waştişê xo ser o derbazê waranê şerî yê giranan bena. A Zap de tunelan de xoverdayîşê tarîxî de cagêna. Embaza ma Arîne pêro erk û mesuldarîyanê xo bêkêmasî ana ca, bi coşî çalakîyan de erk kena.
Embaza ma Arîne sey şerwanêka cesûre û gerîlayêka YJA-Starî ya serkewte tarîxê têkoşînê ma de cayê xo gêna.’’
