Civaka Jinên Rojhelatî Kurdistan-KJARî derheqê çalakîyanê ke badê qetilkerdiş Jîna Emînî vera rejîm Îranî dest pêkerd de eşkerayîye daye. KJARî ke çalakîyê Rojhelat û Îranî sey ‘îlanê şorişê azadîye pênas kerdî’ kampanyaya ‘Wextê Pawitişê Şorişê Cinîyan o’ daye destpêkerdene.

Eşkerayîye de nê ameyî vatene: ‘’Cinîyî hêrsê xo yê bi serranî yê vera rejîmê îşxalkerî pê qîrayîşê azadîye anê ziwan. Pê slogana  ‘Jin jiyan azadî’ yewîya şaran û têkoşînî xurtêr kenê.  Cinîyî pê têkoşînê xo mojnenê ke bê cinîyan cuye nêbena. Wayîrvejîyayîşê Jîna Emînî Rojhelatê Kurdîstanî û Îran de yewna merhale daye destpêkerdene. Sîstemo ke wazeno cinîyan her hetî ra bikero kole bi hewayêkê sîstematîkî estbîyayîşê cinîyan hedef geno.  Şexsê cinîyan de ame waştene ke komel bêro teslîmgirewtene. La cinîyî û şarê ke azadîye wazenê têkoşîn kerd, bedelê pîlî dayî û teslîmê sîstemê tecawuzkarî nêbîyî.  Ruhê xo yê azadîye pawit  no ruh ewro bi şorişê şaran.  Azadîya cinîyan çareserîya heme probleman a.  Ewro yewîya şaran û vejîyayîşê camêrdan ê waran  mojneno ke zîhnîyet bedilîyayo. Ronayîşê paradîgamayêk o ke heme îtîqat û şarî tede eşkenê biciwîyê. No zî caardişê Konfederalîzmê Demokratîkî yo. Şexsê şorişê cinîyan de no xeyalê şaran yeno ca.

Rojhilatê Kurdîstanî û Îran de cinîyan Şorişê Rojawanî paradîgmaya azadîye ya Sûrîye ra îlham girewt. Şexê Emînî de heme welatan de çîqê adirê azadîye bi gird ke ma nê ra vanê şorişê cinîyan. Coka ma vanê ‘Wextê Pawitişê Şorişê Cinîyan o’. Wextê pawitişê estbîyayîşê cinîyan, nasname û azadîya înan ame. Ma her warî de xo hêzdar bikerê, têkoşînî xurtêr bikerê û wayîrê şorişê xo vejîyê. Ganî her cinî, her endamê komelî xo nê şorişî de bivîno û semedê azadîya xo şer bikero. Problemê heme cinîyan secîye yê. Ganî dormeyê slogana ‘Jin, Jiyan, Azadî’ de têkoşîn bêro xurtkerdene. Ma bibê yew veng. Têkoşînê cinîyan heme sînorî werte ra wedaritî. Vera zulmê camêrdan Kurdîstan cayê qîrayîşê azadîye yo.  Kam ke wayîrê wîjdanî yo ganî nê sîstemî red bikero û tewrê xeta têkoşînî bibo.  Ma cinîyî pêro bibê yew xo rêxistine bikerê û têkoşînî binê yew serbanî de xurt bikerê.

Rayber Apoyî têkoşînê xo yê pancas serran de tim têkoşînê cinîyan muhîm dî û paştî daye ci. Azadîya cinîyan kerde bingeyê heme azadîyan . Coka ewro cinîyî pê slogana  ‘Jin  jiyan azadî’ dormeyê fîkranê Rayber Apoyî de ameyî têhet û vanê ma do sîstemê Îmraliyî birijnê. Ma zî sey KJARî  kampanyaya‘Wextê Pawitişê Şorişê Cinîyan o’ danê destpêkerdene. Cinîyan pê slogana ‘Jin jiyan azadî’şorişê azadîye îlan kerd û bedelê ci bi ganê xo danê. Ganî cinîyî têkoşînî keye, kuçe û meydanna de dahîna zaf vila bikerî.  Hetê bînî ra ma Rojhelatê Mîyanênî û dinya de heme cinîyê ke azadîye wazenê înan reyde têkoşînî xurtêr bikerê û wayîrê şorişê cinîyan û şaran vejîyê.”