Parlamentera HDP’yî Ayşe Acar Başarane zî seba festîvale amî dawetkerdene. Başarane pîya bi parlementera partîya çepe Morel Darleuxe û serekê komeleya Amîtîes Kurdes de Lyonî Thierry Lamberthodî şîyî serdana meclîsê herême yê Rhone-Alpesî û ûca derheqê halê Kurdistanî de terraqeyî kerdî.

 Roja Îneyî zî verê royê Dromeyî de programêk ame viraştene. Program derheqê mucadeleyê mîyanneteweyî yê cinîyan de bi. Bername de qalê weçînitişanê Stenbolî zî ame kerdene. Başarane program de vat ke „HDP sîyaset de seba rayîrê hîrêyinî û tîfaqê demokrasîyî xebetêna.“ Başarane qalê zext û zordarîyanê serê şarê Kurdî û wêrankerdişê Cizîre û Sûrî kerd û bale ante serê grevanê vêşanîye. Başarane vat „Bi fikranê rêzdar Abdullah Ocalanî, mucadeleyê cinîyan ê Kurdan ê hemverê faşîzm û feodalîzmî dewam keno.“

 Terraqe de qalê Rojawanî zî ame kerdene û fotografê şoriş û cuya Rojawanî dêsan de ameyî daleqnayene. Parlementere Coribbe Morel Darleuxe ard ziwan ke gama ke a şîya Rojawan aye nê fotografî antê. Darleuxe vat ke xeylî kesê ke Fransa de yê wazenê dewaya şarê Kurdî û şorişê ê hîna rind nas bikerê.

 Festîvale de belgefîlmê rojnamegere Mylene Saûloye ya derheqê ‚Şerê Cinîyan ê Kurdan‘ zî ame temaşekerdene.