Gerîlayanê YJA-Starî bi rayîrê ajansê ma Delîla û Sorxwîne Kobanê Roja Cinîyan ê Kedkaran a Dinya fîraz kerde û mesajê têkoşînî dayî.

Gerîla Delîla vat: ''Rayber Apoyî artêşbîyayîş û berzbîyayîşê ferasetî yê cinîyan de rolêko serkêş kay kerd. Ma seba ke eşkenê koyan de şer bikerê moral û hêzî danê pêro cinîyan. Ewro dinya de cinîyî bi şîarê 'Jin, Jiyan, Azadî' rayîr a şinê. Ma mîyanê têgêrayîşî de cagênê, têkoşîn kenê, felsefeya Rayberîye de xo aver benê û têkoşînê xo pîlêr kenê. Ez 8ê Adare pêro cinîyan rê fîraz kenê. Jin, Jiyan, Azadî.''

Gerîla Sorxwîne Kobanê vat: ''Bi kedanê Rayber Apoyî têkoşînê cinîyan bi şîarê Jin, Jiyan, Azadî' dîya destpêkerdene. No têkoşîn hema zî dewam keno. Ewro vera koyanê azadan hêrişî yenê kerdene û ma zî bi ruhê Erdal, Rojhat, Sara û Rûkenan têkoşîn kenê. Ma sey embaza xo Azêya ke tunelan de şer kerdêne têkoşînê xo do tim pîlêr bikewê û nê hêrişan bişiknê. Ma venga pêro cinîyan zî danê ke seba ke sîstemê serdestîya camêrdan birijnê wa verê xo bidê koyan.''