Gerîlayanê YJA Starî ke bi wesîleya 8ê Adare Roja Cinîyan ê Kedkaran a Dinya ANFyî rê qal kerd, mesajê xurtkerdişê têkoşînî dayî.

Gerîlayan ra Zîlane Aydin bale atne xoverdayîşê vera zulmî ser û vat: ''Ma her cayî açarnenê cayê têkoşînî. Ma pê bawer ê ke çar leteyanê Kurdîstan, Ewropa û Rojhilatê Mîyanênî û heme dinya de cinîyî zî na roje de vera zulmî wayîrê hêz, rol û waştişanê xo bivejîyê. Ma do wayîrê mîrasjê têkoşînî yê şehîdanê xo vejîyê. Vera îşxalkeran ganî şero xurt bêro dayene. Waştişê ma oyo ke ma emser bikerê serra azadîye. Ganî ma wayîrê Rayber Apoyî vejîyê û têkoşînê xo xurtêr bikerê.''

Ekîne Malazgîrt zî  îdeolojîya Rayberê Şarê Kurdî Abdullah Ocalanî semedê cinîyan sey dîyarîya tewr pîle hesibna û vat: ''Seserra 21. do biba ya cinîyan. Ma sey gerîlayanê YJA Starî pê keda pîle heta ewro ameyî. Pê bi desan fermandaranê sey Delale Amed, Azê Malazgîrt,embaze Sara û embaze Zîlane heta ewro ameyî. Sîstemê serdestan tew zaf cinîyan ser o şerî rayra beno. Ma cinîyî kerdî û kor û lal ê. Coka ganî tewr zaf ma rêxistinekerde têkoşîn bikerê. YJA Star nasnameyo tewr raşt ê cinîyan o. Eslê xo de PKK, YJA Star rolo tewr raşt û serkêşîye dano cinîyan. Rayberîye na serkêşîye dano ma. Ma zî wazenê na serkêşîya xo bîyarê ca. Rayîro tewr raşt û zelal ê YJA Starî yo. Yanî rayîrê koyî yo. Ko cayê xelisnayîşî yo.''

Jîyane Tiltemir zî ard ziwan ke serra 2022î do biba serra azadîya cinîyan û vat: ''Têna na roje nê heme rojî semedê gerîlayanê YJA Starî yê ke koyanê azadan ê Kurdîstanî de yê rojê têkoşînî yê. Ma bi felsefeya resnayîşê cuya azade ya Rayber Apoyî têkoşîn kenê.Tarîxî ra cinîyî ercanê afernayîşê komelî rê serkêşîye kenê. Gerîlayê YJA Starî ercanê cinîyan pawenê. Ma wazenê ke emser bikerê serra azadîye ya Rayber Apo û cinîyan. Bi serkêşîya Sara, Zîlanan, bi ruhê xoverdayoxanê ke tunalen de şer kenê ma do na roje dahîna xurtêr û pîlêr bikerê.''