Cinîyê kurdî amadekarîyanê xo kenê ke 8ê Adare Roja Cinîyan ê Kedkaran a Dinya de vejîyê meydanan.

Hemsereka HDPyî ya Colemêrgî Humeyra Armut û Hemsereka DBPyî ya Wanî Gulderene Varli derheqê babete de ANFyî rê qisey kerd.

Hemsereka HDPyî ya Colemêrgî Humeyra Armut îfade kerd ke cinîyî waran, zîndanan û kargehan de vera sîstemê pederşahîye cewabêkê xurtî bidê. Armute vat: ''Tewr zaf cinîyî binê tesîrê polîtîkayanê faşîstan de manenê. Tacîz û tecawuzî yenê vilakerdene, madeyê kundoxî yenê teşwîqkerdene. Şexsê wekîlan ê cinîyan de nasnameyê cinîyan yeno hedefkerdene. Ma do 8ê Adare de Colemêrg û qezaya ci Gever de şayîyan bikerê, Çelê û Şemzînan de zî şarî reyde bêrê yewca.''

Hemsereka DBPyî ya Wanî Gulderene Varli îfade kerd ke cinîyê kurdî vera sîstemî paştî danê pêro beşanê komelî, benê rayberê zîldayîşî vurîyayîşî û averşîyayîşan. Gulderene Varli vat: '' Dewleta tirke pê pêro hêzê xo wazena têkoşînê kurdan krîmînalîze bikera. Nê prosesî de sîstem pêro hacetanê gemarinan xebitneno, erjan ra dûrî bisneno. 5-6 serrî yo dewlete pêro çalakî û aktîvîteyanê Wanî qedexe kena. Rixmê nê hêrişan zî têkoşînê kurdan game bi game aver şino.''