Endama Koordînasyonê PAJK’î Şîmal Ulkem Guneşe Stêrk TV de programê Rojeva Jinê rê qisey kerd.

 Guneşe vat plane qirkerdişî yê dewleta Tirkî do înan zihîf nêkero û vat, “Dişmen nê fikrî de yo ke zafane bi hêrişanê hewayîyan û taktîkanê şerê taybetî Têgêrayîşê Azadîya Kurdan biqedîno. Bi plananê wina yê leyminan no têgêrayîş çi rey nêeşkeno bêro qedînayene.”

 Guneşe vat êyê ke dewleta Tirkî dir hemkarîye kenê û destek danê înan, qezencanê şarê Kurdistanî ra, weriştişê êyê bi îradeyê azadî payan ser o mendişî ra, yewîya şarê Kurdî ra aciz ê û vat Têgêrayîşê Azadîya Kurdan qerardar o ke hemverê nê de pîya bi şarî vindero. Guneşe bale ante serê bi des hezaran şehîdan û esîranê şerê Têgêrayîşê Azadîya Kurdan û vat, “no heman wextî de mucadeleyê anor û namûsî yo.”

 Guneşe vat ganî heme şarê Kurdistanî hurzo payan ser û bale ante serê hemleya “Seba vurayîş û azadîye ti zî hurze payan ser” ya ke organîzasyonanê cinîyan daya destpêkerdene û vat, “sere de ganî cinîyî hurzê payan ser. Ganî ciwan û cinîyî role xo yê mîyanê cimatî bica bîyarê.”