Vervatoxa Meclîsê Cinîyan ê DEM Partî Halîde Turkoglu bînaya merkezî ya partîye de bi kombîyayîşê çapemenîye rojdem ercna.

Halîde hêverî Endama Merkezê Cigêrayîşan ê Jineolojî Nagîhane Akarsel yad kerde ke 4ê teşrîna verêne ya 2022yî de Silêmanî de amebî qetilkerdene.

Halîde bale ante serebûtê Narîne Guran ser û vat: ''Cînayetê sey ê Narîne Guran netîceyê polîtîkayanê şerê taybetî yê. Muxabîra Jinnewsî Rabîa Onver seba ke qalê çeteyanê fuhuş û narkotîkî yê Colemêrgî kerdo hetê îqtîdarî ra tepişîyaye. La ma do peyê nê kerdişan nêverdê. Sey Meclîsê Cinîyan ma do şorê Colemêrgî û rêxistinîya xo bimojnê.

Tebaxe de 31 cinîyî ameyê qetilkerdene û 15 cinîyî zî bi hawayêkê şikdarî merdê. Her roja ke qanûnê 6284î nêno caardene cuyê cinîyan dekewenê binê tehlukeyî. Ma do her ca de vera şîdetê serê cinîyan têkoşîn bikerê.

Birêz Abdullah Ocalanî ra 43 mengî yo xeberêke nêna girewtene. La Wezîrê Edaletî vano ke 'tecrîd' çin o. No tecrîd hinî vilayê pêro welatî bîyo. Ma sey cinîyan do serkêşîye bikerê û nê tecrîdî bişiknê. Ma do 30ê êlule de Anqara de bi şîarê 'Ma cuya azade û têdûşte de israr kenê, vera şerî yê' kampanyayêke danê destpêkerdene. Ma venga pêro cinîyan do bidê û têkoşînî pîlêr bikerê.''