Hamburg de cinîyan ê tepişteyan rê mektubî erşawîyayî
Cinîyan Hamburg de bi wesîleya 8ê Adare cinîyan ê tepişteyan rê kartî şawitî û mesajê ''Şima têna nîyê, ma wayîrê têkoşînê şima vejîyê'' dîyayî.
Şaristanê Hamburgî yê Almanya de cinîyan bi wesîleya 8ê Adare Roja Cinîyan ê Kedkaran a Dinya tepişteyan ê cinîyan rê kartî şawitî.
Kartan de mesajê ''Şima têna nîyê, ma wayîrê têkoşînê şima vejîyê'' dîyayî û paştî ameye dayene cinîyan ê tepişteyan rê. Cinîyan kartan de vat: ''Ma do têkoşînê şima rê teber de dewam bikerê.''
Kartî hetê Meclîsê Cinîyan ê Rojbîne yê Hamburgî ra ameyî erşawitene.
