Şaristanê Hamburgî yê Almanya û şaristanê Den Haagî yê Hollanda de çarçewa Kampanyaya '100 Sebebê Seba Muhakemekerdişê Dîktatorî' de standî ameyî akerdene û îmzayî ameyî arêdayene.

Hamburg de çalakîya ke hetê Meclîsê Cimîyan ê Rojbîne ra ameye organîzekerdene semtê Altona de ameye kerdene. Çalakîya ke fotograrê cinîyan ê ke hetê dewleta tirke ra ameyî qetilkerdene ameyî ramojnayene de xeylêk îmzayî ameyî arêdayene. Çalakîya de semedê azadîya Rayberê Şarê Kurdî Abdullah Ocalanî nî Neteweyanê Yewbîyayeyan (NY) rê mektubî zî ameyî şawitene.

Akîvîsta TJK-E Ruha Barana ke tîya kilm qisey kerd, vat: ''Ma seba ke kiştiş û şîdetê vera cînîyan biqedîyo mucadele kenê. Şexsê Rayberîya ma de polîtîkaya tecrîdî ke vera komelî yena caardene esta. Tecrîd meseleya merdimîye ya û meseleya her kesî ya. Ganî NY berpirsîyarîya xo bîyaro ca.''

Den Haag de zî cinîyî bi eynî waştişî kuçeyan de bî. Cinîyan ke stand akerd tîya xeylêk îmzayî arêdayî û derheqê polîtîkaya îqtîdarê Tirkîya ya vera cinîyan de zanayîş da.