Rojnameyê Fermî yê  Tirkîya de ame weşaneyene ke Tirkîya 19ê adare de  sey fermî Pêkerdişê Îstanbulî ra xo peyser ante.  Meclîsê Cinîyan ê HDPyî ard ziwan ke îqtîdarî pê betalkerdişê Pêkerdişê Îstanbulî reyna dişmenîya xo ya vera cinîyan ramojna û vat ê do Newroz de waran de semedê wayîrvejîyayîşê Pêkerdişê Îstanbulî biqîrê.

Eşkerayîye de nê ameyî vatene: ''Her roje tewr tay 3 cinîyî yenê qetilkerdene û şîdetê serê cinîyan çend şino zêdîyeno. Prosesê winayên de Tirîya pê Qerarnameyê Serekkomarîye darbe kerd û Pêkerdişê Îstanbulî ke semedê verê şîdetî serê cinîya girewtişî dewlete rê berpirsîyarîye bar keno, ra îmzaya xo ante. Îqtîdarê AKP-MHPyî  pê betalkerdişê Pêkerdişê Îstanbulî reyna dişmenîya xo ya vera cinîyan ramojna.

Pêkerdişê Îstanbulî yo ke 2011 de pê qerarê heme partîyan amebi qebulkedene werte ra wedaritişê ci darbeya zîhnîyetê nêrî ya. Rejîmê yew merdimî ke destkewteyê cinîyan hedefê ci de yê pê nê qerarî verê şîdetê serê cinîyan akeno, qetilkerdişê cinîyan meşru keno, cuya cinîyan ê multecîyan xesp keno, seypêyîya cinî camêrdî red keno, cinîyî keyeyî rê heps keno û camêrdî paweno.

Ma do çirey heqanê xo cameverdê. Vera înanê ke Pêkerdişê Îstanbulî betal kerd ma do sey 8ê Adare Newroze de zî vejîyê waran û wayîrê heqanê xo vejîyê. Semedêma cinîyan îtîfaqê AKP û MHPyî ameyo betalkerdene.''