Herdinda Hemşaredarê Colemêrgî Mehmet Siddik Akişî de qeyûm amebi tayînkerdene û o sûcdarîya 'endamîya rêxistine û vervejîyayîşê qanûnanê çalakîyan' amebi tepiştene.

Roniştişê dewaya vera Akişî ame kerdene. 

Akiş bi rayîrê SEGBÎSî tewrê dewa bi. Akiş vera îdîayan vejîya û pare kerd ke îdîayê serê ey raşt nîyê. Akişî da zanayene ke seba ey vera tecrîdî qisey kerdo na dewa ameya akerdene û vat: ''Bahçelî zî vano ke wa tecrîd bêro wedaritene. O çax wa Bahçelî zî bêro muhakemekerdene.''

Akişî pawitişê xo de pare kerd ke qeyûmî xespkerdişê îradeyî yê. 

Dewa de cezaya zîndanî ya 9 serran dîyaye Akişî.