Huqûqnasê almanî Heike Geisweidî tecrîdê vera Abdullah Ocalanî sey ''binpaykerdişê huqûqê mîyanneteweyî û heqanê merdiman'' ercna û ard ziwan ke azadîya Ocalanî seba çareserîya meseleya kurdan girîng û heyatî ya.
1500 avûkatanê 30 welatan seba ke Rayber Apoyî bivînê muracatê Wezîrîya Edaletî ya Tirkîya kerdibi. Nînan ra huqûqnasê almanî Heike Geisweidî derheqê tecrîdê Îmraliyî û heqê hêvîye de ANFyî rê qisey kerd.
Heike Geisweid ard ziwan ke birê Mehkemeya Heqanê Merdiman a Ewropa (MHME) nênê caardene û vat: ''Abdullah Ocalan 25 serran ra nata zîndan de yo û hucreyê yewkesî de tepişîyeno. No qetî huqûqî nîyo. MHME 2014 de bire dabî ke heqê hêvîye yê Ocalanî wa bêro caardene. Tirkîya na bire nêarde ca. Ne CPTyî ne zî Yewîya Ewropa û dewletanê bînan ney rê veng nêkerd.''
Heike Geisweidî bale ante girîngîya rol û mîsyonê Rayber Apoyî ser û vat: ''Tecrîd tena vera Ocalanî ney vera tepişteyanê sîyasîyan zî yeno caardene. Tecrîd binpaykerdişê huqûqê mîyanneteweyî û heqanê merdiman o. Abdullah Ocalan seba çareserîya meseleya kurdan sermuzakerewan o.
Ganî komelo mîyanneteweyî seba pawitişê heqanê merdiman têbigêro û tedaya Tirkîya bilero. azadîya Ocalanî seba çareserîya meseleya kurdan girîng û heyatî ya. Ganî Ocalan vera bidîyo.''
