Goreyê xebera Ajansê Mezopotamya Rayber Apoyî û tepişteyanê bînan ê Îmraliyî Omer Hayrî Konar, Veysî Aktaş û Hamîlî Yildirimî rê qedexeyê pêvînayîşê bi avûkatan ameyo dayene.

Avûkatanê Buroyê Huqûqî yê Asrînî seba pêvînayîşî muracatê Hakîmîya Înfazî ya Bursa kerd û tîya de ê musayî ke 6ê teşrîna peyêne de bira qedexeyî ameya dayene. Derheqê sebebê qedexeyî de agahîyêke nêdîyaye avûkatan.

Avûkatan vera bire Mehkemeya Cezaya Girane ya Bursa rê muracat kerd la muracat ame redkerdene. Avûkatî vera bira qedexe do muracatê Mehkemeya Qanûnê Bingeyî (MQB) bikerê.