Derheqê Hemşaredarê Dêrsimî Cevdet Konakî û Şaredarê Pilurî Mustafa sarigulî de bi îdîaya 'endamîya rêxistine' cezaya zîndanî ya 6 serran û hîrê mengan dîyaye. 

Bira ceza merkezê Dêrsimî de ameye protestokerdene.

Avûkat Kenan Çetînî protesto de îfade kerd ke kar û goreyê partîye sey sûcî hesibîyayê û vat: ''Ma do bire berê îstînafî, Mehkemeya Qanûnê Bingeyîyî. Dozgerî roniştişanê verênan de waştişê tepiştişî nêdabi la ewro ra. Heqê muhakemebîyayîşê edîlî ameyo binkerdene.''

Hemşaredar Konakî zî xîtabê girseyî kerd û vat: ''Wexto ke ez şaredarê Xozatî bîya ez tewrê merasîmanê cenazayan bîya. No bîyo sebebê sûcdarîye. Kamca de dejêk est bi, ma zî uca de bîyî ke dejê şarê xo pare bikerê. Bi bahaneyan vera ma dewa ameye akerdene. No binpaykerdişê heqanê merdiman o. Ez do tim hetê şarê xo de biba û dejê înan pare bikera. Çew nêeşkeno ma rayîrê ma ra açarno.''

Sarigulî zî pare kerd ke beşdarîya merasîmanê cenazayan sey sûcî ameya hesibnayene û vat: ''Ma do tim şaredarîyanê xo de bê, xizmetê şarê xo bikerê. Siba zî ma do karê xo ser de bibê.''

Eşkerayîye ra dima girseyî zîyaretê esnafan kerd û sloganê sey "Hikûmet îstîfa'' vatî.