Gerîlaya YJA-Starî Roza Nûjîna ke herêma Serdeştî ya Rojhelatê Kurdîstanî ra ya serra 2017î de Qendîl de tewra gerîlayan bîye. Roza Nûjîn ma ra qala cuya gerîlayan û koyanê Kurdîstanî kerde.

Roza vana aye verî mîyanê keyeyê xo de têgêrayîşê azadîye û Rayberê Şarê Kurdî Abdullah Ocalan şinsnayî û a xeylêk cigêrayîşan ra dima tewra PKKyî bîya.

Roza qiseykerdişê xo rê wina dewam kena: ''Cuya gerîlayan, tewirê PKKyî xeylêk bala mi antêne. Wexto ke mi partî şinasnaye mi dî ke cinîyî tede rayberîye kenê. Nê mi rê zaf tesîr kerd. Mîyanê partî de erebkî, farskî kurdî û tirkî estê. Reyna embazîya gerîlayan zî mi rê zaf tesîr kerde. Koyan de her hela cuye bena tecrubeyêko zaf pîl. Heta mi xo rê vat 'Ez senî 22 serre mîyanê ê komelî de ciwîyaya?' Gerîlayê azadîye her hele de pê hîsanê heskerdişî û pawitişê cografya ciwîyenê. Eke wina nêbîyêne senî hende cinî û camêrdê ciwanî biwazê xo ver bidê.''

Roza qale erzena koyanê Kurdîstanî ser zî û wina vana: ''Wexto ke ez ewnîyena koyan ra seke ez nasnameyê xo vînena. Koyî ma pawenê, xirabîyan ra dûrî gênê. Seke Rayberîye vatbi 'Cinîyî koyan de raştîya xo şinasnenê û eke koyan ra dûrî vinderê raştîya xo ra zî dûrî vindenê.' Nê koyan de keda pêro gerîlayan esta. Ez key biewna Zagrosan ez sozê xo yê seba qesasî newe kena. Ez cuya koyan rojnuşteyê xo ser o nusenê. Ez bi farskî, sorankî, kurmanckî nusena.

Nika vera Rayberê ma tecrîdêko giran esto. Ganî cinî û ciwanî vera nê tecrîdî wurzê payan ser û vajê 'hînî bes o.' Wa cinî û camêrdî bêrê tewrê gerîlayan bibê.''