Gerîlayanê YJA-Starî koyanê Kurdîstanî ra 8ê Adare Roja Cinîyan ê Kedkaran a Dinya fîraz kerde û derheqê xoverdayîş û destkewteyanê cinîyan de qisey kerd.

Gerîla Elefterya Arîn vat: ''Ma deyndarê Sara û Delalan ê ke têkoşîn resnayo nê dewrî. Ma do xeyalê embaze Sara qetî bîyarê ca. Cayêkê bînî yê dinya de sey ma têkoşînê cinîyan nêresayo na aste. No xêrê ked û têkoşînê şehîdan û Rayber Apoyî ra bi. Ma do qesasê embazanê xo yê şehîdan bigêrê û şerê vera dişmenî de ser bikewê. Ma venga pêro cinîyan danê ke wa tewrê têkoşînî binê û wayîrê azadîye vejîyê.''

Gerîlaya YJA Starî Rosîda Dîcle Botan vat: ''8ê Adare ma rê roja xoverdayîş û têkoşînî ya. Hemleya Rayberîye û têkoşînê cinîyan reyde ma resayî na asta ke eşkenê vera dişmenî têkoşîn bikerê. Ewro bi hezaran cinîyî serê xeta xoverdayîşî ya Sara, Delale û Azêyan de têkoşîn kenê. Ma serkêşê şoriş û têkoşînê azadîye yê. Seba ke ma wayîrê na kede vejîyê ganî ma têkoşînî xurtêr bikerê û şerî rê hîna zaf amade bibê.'' 

Gerîlaya YJA Starî Rûkene Xebat Azadî vat: ''Ma teqîbkerdoxê afernayoxanê 8ê Adare yê. Sey YJA-Starî vengê ma pêro dinya rê vila bi. Têkoşînê cinîyan ewro bi hawayêkê xurtî yeno kerdene. Têkoşînê cinîyan bi hawayêkê xurtî yeno kerdene. Rayberîye ra berî jesî heqê cinîyan nêşinasnayî. Bi felsefeya Rayberîye ma nêzdîyê azadîye bîyî. Ma venga pêro cinîyan danê ke wa tewrê têkoşînê azadîye bibê û verê xo bidê koyan.''