HPGyî nasnameyê şehîdêkî eşkera kerd
HPGyî nasnameyê şehîdêkî eşkera kerd û vat: ''Ma soz danê ke xeyalanê embazê ma Ezîzî teqîb bikerê û şexsê ey de verê vîrameyîşê pêro şehîdanê xo de bi rêzî rîyê xo anê war.''
NASNAMEYÊ ŞEHÎDAN
Merkezê Îrtîbatî û Çapemenîye yê HPGyî nasnameyê şehîdêkî eşkera kerd. Eşkerayîye wina ya:
''Ewladê şarê erebî yo cesûr, milîtano Apogîr o ercîyaye û embazê ma Ezîz Mûsil 28ê hezîrana 2024î de Metîna de hêrişê dişmenî de şehîd bi.
Ma sey embazanê ey sere de keyeyê embazê xo yê ercîyayeyî rê pêro şarê Kurdîstanî yê welatperwerî û şarê erebî rê serweşîye wazenê. Ma soz danê ke heta ke xeyalê embaz Ezîzî projeyê Konfederalê Demokratîkî yê Rojhelatê Mîyanênî bîyarê ca bi qerardarî têkoşîn bikerê.
Nasnameyê embazê ma Ezîzî wina yo:
|
|
Nameyê Qodî: Ezîz Mûsil Name û Peyname: Rakan Casim Xidir Cayê Bîyayîşî: Mûsil Maye-Pî: Necahe – Casim Tarîx û Cayê Şehadetî: 28ê Hezîrana 2024î / Metîna |
Embazê ma Ezîz Mûsil de keyeyêkê erebî de dadîya xo ra beno. O wextê hêrişanê DAÎŞî de bi têkoşînê gerîlayanê ma tesîr beno. Embazê ma keweno cigêrayîşan pey û 2017 de bi qerardarî tewrê gerîlayan beno. O Herêmanê Pawitişî yê Medya de tewrê pratîkan beno, perwerdeyê xo temam keno. O tim keno ke xo hîna aver bero. Embazê ma Ezîz qetî tewirê xo yê Apogîrî ra tawîz nêdano, pêro erkanê xo bi temamî ano ca. O peyê xo de rêçêkê mendeyî verdano û beno şehîd. Ma soz danê ke xeyalanê embazê ma Ezîzî teqîb bikerê û şexsê ey de verê vîrameyîşê pêro şehîdanê xo de bi rêzî rîyê xo anê war.''
