Hêzanê Pawitişê Cinîyan ê Rojhelatê Kurdîstanî (HPJ) bi wesîleya 8ê Adare Roja Cinîyan ê Kedkaran a Dinya merasîmêk viraşt.

Endama Koordînasyonê KJARî Ciwana Sine, Hemsereka KODARî Gulane Fehîn, Fermandara HPFyî Faraşîne Mahabat, Endama Koordînasyonê YJCRyî Vîyane Karox û Fermandara HPJyî Rojda Zagros merasîm de amade bîyî.

Faraşîne Mahabat merasîm de vat: ''Ma 8ê Adare yê Rayber Apoyî, hemrayanê xo, şehîdanê xo û ê pêro cinîyan fîraz kenê. Ma pêro şehîdanê xo bi rêzdarî yad kenê. Hişmendî û rêxistinîya cinîyan hînî benê xorinêr. Cinîyî rayîr nêdanê zulmê serdest, zoran û zûrkeran. Cinîyê dinya pê nê rûhî 8ê Adare pêşwazî kenê. Ma  pê sloganê 'yewîya cinîyan do peynîya qirkerdişê cinîyan bîyara' 8ê Adare pêşwazî kenê. Dewrêko newe dest pêkeno. No dewr dewrê cinîyan o.''

Fermandare Faraşîne ard ziwan ke têgêrayîşê azadîye yê cinîyan ê kurdan bî artêşe, rayberîya xoverdayîş û têkoşînan kenê û Şorişê Rojawanî zî bingeyê ney o. Faraşîne bale ante tedayanê rejîmê Îranî ser zî û pare kerd ke ê do heta peynî xo bipawê.

Qiseykerdişî ra dima şayîye pê rayraşîyayîşêk û slogananê 'cinîye, cuye, azadîye', 'bêserek cuye nêbena' qedîyaye.